سخنان بزرگان

اؤلسه ده قویون الیمین آلتیندا او اؤلسون !

گرگرلی آرازون تازا گوزه ل یازوسی

اؤلسه ده قویون الیمین آلتیندا او اؤلسون !

موللا میر زئینال هم بیزیم ماحالدا، همده مرکزده چوخ بؤیوک موللالاردان ،

 آخوندلارداندیر .اؤزوده چوخ گؤزل اخلاقلی و فیکیرلی بیر اینساندی .

خیلاصه بونو دئمک اولار کی هم خالقین یانیندا، همده بؤیوک آخوندلارین

 یانیندا احتیرامی، عیززتی آرتیقدیر.بو یاخینلیقدا جرراحلیق اوچون مرکزده

 بیر خسته خانایا گئدیر!آما هئچ بیر کسه، تانیش دوکتورلارا دئمیر! تا کی

 اذیتی کئچمه سین ! آما خسته خانادا بیر دوکتور اونون چوخ دؤر- برینه

دولاشیر،و اونا چوخ احتیرام ائله ییر! هر بیر یاریم ساهاتدات بیزیم موللانین

 یانینا گلیب، اونو دیندیریب، اونون احوالاتین سوروشور! و دئییر:منیم بؤیوک

دین قارداشیم! منیم بؤیوگوم، اصلا ناراحات اولما ! سیزی اؤزوم جرراحلیق

 ائده جه یم، سیزی من هئچ کسه تاپشیرابیلمه رم. سیزین هئچ بیر

اینجیکلیییز، اذیتیز اولمایاجاق.سیزین منه اعتیمادیز اولسون! موللا میر زئینال

، اؤزونه چوخ گوج گتیریر، آما اونو تانییا بیلمیر؛ بیرده اوتانیر ، اوندان کیم

 اولدوغونو خبر آلسین ساباحیسی جرراحلیق گؤزل وجهیده قورتاریب،گئدیر!

 بئش- آلتی ساهاتدان سونرا بیزیم آخوندوموز هوشه گلیر، سونرا خبر آلیر،

او دوکتور کی منی جرراحلیق ائله دی،بوردا گؤره بیلمیرم! یوخدور!ایسته ییرم

اونون کیم اولدوغونو بیلم.یانیندا ایشله ین پرستار گوله-گوله دئییر:

آخوند بابا او جرراح دوکتورون دئییرسن،او بیزیم خسته خانایا تزه گلیب،

هئچ کیم خسته سین جررالیق اوچون اونا وئرمیردی! زورلا- بلا ایله بیزیم

خسته خانانین رئییسین راضی سالدی کی، او قوجا آخوندو وئرین من

 جرراحلیق ائله ییم  اؤلسه ده قویون الیمین آلتیندا او اؤلسون !

گرگرلی آراز

گفتگو با ننه سرما یا قاری ننه

اشعار زیر توسط یک همشهری بمناسبت این ایام شاد و خاطره ای از گذشته های دور سروده شده و برای درج در وب خودتان ارسال گردیده ،عیناًتقدیم خدمتان میگردد . لطفاًنظرات خود را برایمان بنویسید ،مطالب و عکسهایتان را برایمان ارسال بفرمایید

قاری ننه : داغلار باشی ساغدان سولا دوماندی

اَینین ده کی بیر قیرمیزی توماندی،

قاری ننه چرشنبه ده گؤردوم اود دان آتول دون

سؤیوندوخدان بیر گول کیمی آچولدون

قاری ننه ، اؤد باشیندا قیزلارونان دورموشدون

،سوپورگئیه ی لَن هر بیری نی وورموشدون

قاری ننه سؤیله دون کی آتولاندا بو اؤد دان

دیون سوزی قالموش دده بابا دان

قاری ننه اول دیون آتل پاتل چرشنبه

سونرا دیون بختیم آچیل چرشنبه

قار ننه ینی ایلده گلین اؤلوب اره گئت

ایل باشینا قوجاقوندا کوره گئت

قاری ننه نوروز علی گلیر سنی آپارا

سؤیوخلوقدان هر غصه دن قوتارا
بقیه در ادامه مطلب....

ادامه نوشته

چاغیریش

وبلاگ گرگرلی آرازون تازا یازوسی

سایین یولداشلار و یوردداشلار! بایرام تعطیللری قاباقدان گلیر !

بونا گؤره هامی اؤز گزمک لری اوچون بیر یئرلر ؛آختاریر .

و ایندیدن اؤزلری اوچون بیر تداروکلر گؤروبلر. گؤزل دوشر کی بو

آختاریشدا بیزیم  ماحالیدا نظرده توتاسیز ! چونکو بیزیم ماحالین

بیر پارا گؤزللیکلر وار کی آیرییئرلرده سیز اونلاری تاپا بیلمه سیز

و الینیزدن چیخار .گلین، گؤرون؛

1 - ماحالیمیزدا اللیدن چوخ چایخانامیز وار، آما مهدینین چایحاناسینین

بیر آیری صفاسیین گؤره بیلرسیز! بو تعطیلاتدا دوز و حقیقی خبرلری

ائشیده بیلرسیز !

2 - دووا یازانلاریمیز و فالچیلاریمیز تعطیل اولمادان گئجه- گونوز

سیزین خیدمتینیزده اولاجاقلار؛ قورخو، دؤولتلنمه، بیر-بیرینه

ووروشدورما دووالاری تخصوصو وضعیتده، اورژانسی باخیلیر .

 3 - یاریمچیلیق صیغه اوخوما مرکزلرینین سایی آرتاجاق، و شهرده

و بوتون کندلرده و حتتا یوللادا دا مرکزدن گه لن قوناقلارین قولوغوندا

اولاجاقلار.

4 - خاراب قالمیش کندلری گؤرمک اوچون موسافیر دولاندیرما

تورلارینین سایی آرتاجاق .

5 - بئشینجی گونده؛ سئه چرخه سورمک موسابیقه سی،قیرخ بئش

سئه چرخه چینین آراسیندا باشلاناجاق .

6 - تعطیل گونلرینین باشاباشین قومار اویناماق توره نی گول تپه

دیبینده  قورولاجاق .

7 - اویوشدوروجو موادین آلیب - ساتیش مرکزلری چوخالاجاق، و اونون

 تاپماسیندا هئچ نییارانچیلیق اولمایاجاق .

8 - بیر پارا ایچگیلرین، و یئمکلرین آدلارینی بورا گلمه میشدن قاباق اؤیرنسز،

 سیزه خاریجی اؤلکه لردن سیفاریش وئرمک اولار .

9 – 48 سویو قوروموش کهریزلریمیزین قویولاریندا پییادا گئتمک

توره نی  اولاجاق  .

10- حؤرمتلی قوناقلارین یادلاریندا اولسون کی دره دیزدن ایچری

گیرنده  آدلارین یولون یانیندا کی دککه ده یازدیرسینلار،تعطیلرین

سونونداقورعه ایله 92 نفره رهلی تویوق یومورتاسی وئریله جک .

جولفا شهرستانین توریزم شرکتینین اؤیه لری :

 چنگی و گرگرلی آراز

پخله یئیه ن ژورنالیست!!

 بو مطلب ، ایکی  ژورنالیست قارداشیم رضا عالی و محمدعلی 

ارجمندی جنابلارینا  تقدیم اولونور

پخله یئیه ن ژورنالیست !!

دئیرلر کیم پخله چوخ یئسه سفئه لر! آما بیری دئمیشدی من

ایکی حیاتی ساتیب وئردیم پخله یه اوندا بیر سفئه لیق گؤرمه

دیم!

بو مثلی اوندان اؤتور چکیب لر هره نین بیر یئمه یه علاقه سی

وار حتتا منیم بیر دوستوم وار همیشه پخله دن قاباق ، یادا

سونرا اونون سویوندا باشینا چکر . آما سؤزوموز اوردا دئییل.

او مثلده دی کی اونون دوزلویون ایستیره م ثابت ائله یم . بیزیم

ژورنالیست دوسلاردان بیری مرکزدن بیزیم شهریستانا اینتیقال تاپمیشدی . ژورنالیست

دوستومون هر بیر شئیی هم ایداره ده همده ائوکی توتموشدو ،چوخ گؤزل وجهیده

دوزلینمیشدی،حتتا ایداره ده اوز ایسته ین ایشی اونا وئرمیشدیلر .

او کوچه ده ائو توتموشدو کی کراسیندان چوخ ، او حیاتین یئر یمیشیندن ،پئر پنجه

ریندن دریردی . کند یومورتاسی ،داوار پندیری،ساری یاغی ،بولا - بول باشینا

تؤکوردولر .

بیر - ایکی آیدا او جیلاز اوغلان ،اون - اونبئش کیلو آغیر لاشمیشدی .

آما هر دفعه گلنده بیزه ،ائله بوینون چینینه قویوردو و بیرده ایکی الین بیر - بیرینه

دویونله ییب ، ایکی قیچلارینین آراسیندا گیزله دیردی !

قاباقدا هر میوه واریدی ، آما بیرینه ال وورموردو ، ائله دئیردی مئیلیم چکمیر .

بیر آزدان سونرا ، ایشینی بوشلاییب، یئنه مرکزه قاییتدی .

مرکزدن هئی تیلفون ایله دانیشیردیق . گؤردوم بئله چوخ سئوینیر چوخ

سئوینجکلیدیر .

 ژورنالیست دوستومدان سوروشدوم: قارداش هارداسان ؟

چوخ اوجا سسله دئدی : هاردا اولاجاغام. فرمان عمی نی توکانیندا پخله یئییره م !

اوندا باشا دوشدوم کی منیم ژورنالیست دوستوم ایکی حیات سهلیدی ایشینده

 حیاتین اوستونده، پخله یولوندا الدن وئره بیلر میش .

منیم آما اؤز - اؤزومه بیر سورغو یارانیر !

بیر پخله یئیه ن ژورنالیست گؤره سن بیزیم دوره ده، نه یازا بیلر؟

گرگرلی آراز

یاشادیق!!

گؤردویوموز یوخونو کابوسلارا یوردولار

بیز اؤلوم گونوموزو بیله-بیله یاشادیق!

قامیشدان بیر ائو تیکدیک اوچوروملار آلتیندا

قورخا- قورخا یئریدیک، اؤله- اؤله یاشادیق!

*****

باغیمیز اودون اولدو، اودونلار کوله دؤندو

باخیشلار قم گؤزله دی، گؤزلر نیسگیه دؤندو

سیخیلان گؤز یاشلاری قوروماز سئله دؤندو

الیمیز اوزوموزده سیله- سیله یاشادیق!

*****

میسیمیز پاخیر توتدو، کیمسه قالای وئرمه دی

چای باشیندا دورانلار بیر ایچیم چای وئرمه دی

باشچیلار حاققیمیزدان بیزه بیر پای وئرمه دی

آما بیز پاییمیزی بؤله- بؤله یاشادیق!

رضا دهقان (چنگی)

بیر دیلنچی ، یوز آتا ....

میوه مغازاسیندا میوه آلیردیم، مندن سونرادا بیر ،ایکی نفر اؤزلری ایله مشغولودولار.

 بو آندا بیر دیلنچی توکانا گیردی، ال آچیب ، پول ایسته دی . هئچ کس بیر سؤز

 دئمه دی؛ ته رَزی باشینداکی دا گره ک  راضی سالاردی. عیسی دا اؤزونه

 ایشله ییردی. چوخ باش وئرمه دی؛ عیسی نین آتاسی الین آتدی آرخالیقینین

جیب لرینه اویان- بویانی آختاراندان سونرا بیر اوووچ دمیر پول ییغیب بیر الینده

 دیلنچی نین  قاباغینا اوزاتدی . دیلنچی بیر پوللارا باخدی بیر عیسی نین

 آتاسی نین اوزونه، پوللاری مئیلسیز آلدی؛ اونلاری الینده بیر آتیب ، توتوب

  ائله اوجورسونا ائشییه تولازلادی .

پوللارین هامی سی آرخا توکولدو. هئچ کس بیر سؤز دئمه دی؛ هامی

 بیر- بیرینین اوزونه باخدی .

عیسی دیللندی: آی کیشی بس نییه بئله ائیله دین؟ او منیم آتامیدی!

 ایسته دی سنه بیر کؤمک لیک ائله سین .

دیلنچی دئدی : نه دئدین او سنین آتاندی ؟ عیسی دئدی : بلی او منیم آتامدی .

 دیلنچی بیرده قایتاردی : حتمی

بولورسن او سنین آتاندی ؟

 عیسی اؤزوندن یئمه دی، دئدی : حتمی بولوره م او منیم آتامدی .

 دیلنچی جوابیندا دئدی :آتایا باخ ، آتایا!! گه ل توکاندان ائشییه چیخ؛ میداندان

 بو آتالاردان یوزون تاپیم سنه وئریم .

اؤز ،اؤزومه فیکیرله شیردیم بورا باخ! دونن بیر آتا یوز دیلنچینین قارنین دویوروردی!

 ایندی بیر دیلنچی، ییغدیغی خیردا پول ایله یوز آتانی آلیب ، ساتیر !

ساباح گؤره سن نه جور اولاجاق؟ حتمی او آتا یوز دیلنچی نین بیری ساییلاجاق !

گرگرلی آراز - وبلاگ

گوزل گرگر

گوزل گرگر
گرگری گرگره گل ایل یارادان جنته باخ....

گرگراهلینده اولان همتی گور قدرته باخ

ندی المان ندی لندن ندی ویرانه فرانسه....

گل بو گرگردکی شهرک لری گور زینته باخ

کهنه داملاریخیلیب مرمر اولوب هرطرفی....

گل بوویلالاری گور سوملی عمارتلرباخ

گرگرین شهری بوگون حومه لره یاوردی....

گل دولن اطرافونی خدمتی گور شهرته باخ

کاخ وبرجک سالونور هرطرفه گوز باخوری....

سن بو مردم دا اولان جراتی گور غیرته باخ

گرگرین شهری بواستاندا چراغ تک یانوری....

گل باشی عرشه چاتان داملاری گور غزته باخ

الله اوز توپراقونی قسمت ادیب هرطرفه....

گرگره سپدی محبت توخومی لطفی گوررحمته باخ

گرگرین اهلی بوگون شاد یاشویور منطقه ده....

گل بوآزادلوقی گور خلقیده حرییته باخ

گور نه آزاد یاشویور سوملی ایل گرگرده....

گل بوگرگرده اولان دوسلوقی گور الفته باخ

گرگرین توپراقونون قیمتی وار استاندا....

گل بو گرگرده اولان نعمتی گورفرصته باخ

معرفت درسی آلور مدرسه ده شاگردلر....

بو اوشاقلاردا اولان حرمتی گور عترته باخ

بیسواد یوخدی داهی ایندی گوزل گرگرده....

گل مساجدلره باخ طاعتی گورنیته باخ

معرفت اهلینی خالق یارادوب گرگرده....

گل جماعتده اولان خدمتی گور حرمته باخ

محرم عشقی یاپان دستانالار سوملیدی....

بیر تیکه آغزووا گوی طعمینی گور لذته باخ

گونده بیر آد قویولور آخری گرگردی منه....

چونکه گرگرلیلره گرگر آدی لذتی وار

نئچه مین اییل یازولوب ثبت الونوب دفترده...

چونکه گرگر آدونون منطقه ده شهرتی وار

گرگری بوردا گل اول دفن الیاق گرگرده....

هرجمعه آخشامی سن فاتحه نی گور رحمته باخ

Masoud Vatani

اوچ بُعد لو عکسلر !

 کئفلی اسکندر وبلاگونون آخر یازوسی ........

بیر گون آخشام اوستو مرکزده سئیره چیخمیشدیم . خییاوان قیراغیندا چوخلو آدام

یغیشمیشدی. منده اونلارا قاتیشدیم گؤردوم بیر نفر عکس ساتیر. اؤزوده او آدام

 دئییردیکی بو  پارتلئتلر اوچ بُعد لودولار .ائله شانسدان منی قاباغا چاغیردی 

عکسلرین بیرین گؤتوروب، منه دئدی : نه گؤرورسن ؟ دئدیم : بیر قورد

 قارلارین اوستونده اوتوروب . الیمدن یاپیشدی یئریمی بیر مئتیر

 دییشدی، سونرا  دئدی : نه گؤرورسن ؟ باخدیم عکسه دئدیم :

بیر قورد آیاق اوسته دی ..

سونرا دئدی : بیر مئتیر یئرین عوض ائتگینن، سونرا ده  گؤروم نه گؤرورسن ؟

 یئریمی عوض ائیله یندن سونرا  باخدیم عکسه دئدیم : بیر قورد  دورکی

 بیر آغاجا دیرماشیر .

منیم بوسؤزوم هامینین خوشونا گلدی بو قابلاردان ، او آدام چوخلو ساتیب،

 قازاندی . آلیش - وئریش ائله یه - ائله یه من عکس لره باخیردیم،

بیری چوخ جالیب گؤرسه نیردی .  بیر طرفدن یاز ،بیر طرفدن باخاندا یای ،

 او بیرسی طرفدن گئچیب باخاندا قیش، قارلی بیر منظره ، ائشییه چیخیردی.

خیلاصه اونودا من تابلولارین ایچیندن سئچیب آلدیم .پولون وئرمیشدیم

 ایسته ییردیم اوردان چیخام، گؤزوم مملکتیمیزین او قدیم پادشاه لاریندان،

 شاه عابباسین عکسینه ساتاشدی،اوچ یئر عوض ائیله دیم آما اونون شکیل،

 شماییلی عوض اولمادی! ائله ایلک منیم اوزومه نجه باخیردی،

 آخیردادا ائله اوجور باخیردی  . عکس صاحبیندن خبر آلدیم کی سنین بو عکسین اوچ

بُعد لو دئییل؟ دئدی : هانسی؟ گؤرسه تدیم .گؤرسه دندن سونرا گؤزلرین

 آغاتدی دئدی: یقین او قدیم کی بؤیوک پادشاهیمیز بیر قورد ، یادا بیر فصیل

 تکین یئرین عوض ائیله یه جک؟ قورد تک آغاجا دیرماشاجاق ؟

سؤزو دوزو بیر سؤز قورخومدان دئمه دیم، آلان عکسی گؤتوردوم آرادان چیخدیم.

 اون ، اونبئش آیاق اوزاغلاشمامیشدیم، دؤنوب دالییا باخدیم گؤردوم او عکسیلرین

 ایچینده اولان ، قوردون ،پلنگین ،دووشانین ، آت - ائشه یین اورتاسیندان

 قدیم پادشاهیمیز شاه عابباس بویلانیب ؛ منه ائله تس - تس باخیر !

گرگرلی آراز

قار یاغیر

قار یاغیر، ائله بیلیرسن

مین آرزی- دیلک تؤکولور

اوجا داغلارین باشینا

گؤیدن آغ چیچک تؤکولور

 *******

بورونوب دومانا چنه

اؤلچولوبدور دنه- دنه

سانکی گؤیده قاری نه نه

توتوبدور الک، تؤکولور

 *******

دوزلاغی بیر خیرمان سانیر

گؤورچین، یئییب، دایانیر

بیردن اولکوب، قانادلانیر

یئره آغ یئلک تؤکولور

 *******

آخشام یئتیشنده سونا

قوجاقلاشیر بالا- آنا

شنگولونون ناغیلینا

قورد یاغیر، کولک تؤکولور.

رضا دهقان(چنگی)- قوجا قارتال

شغر طنز (مسلمان، یهودی ،ارمنی )

بیر مسلمان بیرجهود بیر ارمنی،

تابدولار یولدا قیزیل بیر سککه نی

وئردیلر اؤل سککه نی قنادیه،

آلدیلار حلوا اوچی باه یی یه ،

اؤل جهود و ارمنی ایمائیلن ،

باغلیوبلار عهد اؤل شیطانیلن.

خسته لیق سالدی اؤلاری حجرییه،

یوخلویانون فکری قالدی خمرییه.

حلوانون عطری مسلمانی سالوب،

عالم تشویشه هم صبرین آلوب .

الغرض اگلشدی آهسته یئدی ،

دؤیدی سونرا اللاها شکر ایلدی

صبح قاخدی هر بیری صبحانیه،

تا که شوق و ذوقیلن حلوا یی یه.

ناگهان اعلام ائتدی اؤل جهود ،

بیر یوخی گؤردوم منی پور یهود.

حضرت موسی چاغیردی خلوته،

شستیمی توتدی آپاردی جنته.

ارمنی یولداش دئدی من گؤرموشام،

کورسی عشق و محبت قورموشام.

رند عالم اؤل مسلماندا دئدی ،

سویله دی رؤیاده نور سرمدی.

بیر نفر رضوان اعلایه گئدوب ،

بر نفر عرش معللایه گئدوب ،

قالدی حلوا خمره ده ای بینوا،

حلوانی یئه ،اؤنلارا ایله دعا.

کیش و مات اؤلدی جهود و ناصری ،

ساده و هالو بیلیب لر بیزلری .

شعر :عیسی ویدادی گرگری

شعر چله در ادامه مطلب.....

ادامه نوشته

آللاه سنین کؤمه یین اولسون!

اللاه سنین کؤمه یین اولسون!

بعضی آنلار من اؤزوم بو آنا دیلینده بعضی جومله لره حال، حیران قالمیشام . بیر

میثاللا بونو ایستیرم بیان ائدم . "آللاه سنین کؤمه یین اولسون!"

آللاه سنین کؤمه یین اولسون! من اؤزوم بیر چؤره کچی یم. اورادا ، اوندان هم گؤزل

همده اوجوز چؤره یی یاپیب خالقین الینه وئریرم. بیردن گؤردون بیر قوجا توکذ ننه ، 

یا بیر آیری یئره گئتمه ین ، قونشو اسمر خالا گلیب چؤرک آلاندا، یادا بیردن گؤردون

زینت خانباجی نی نوبه سیز یولا سالاندا ، چوره یی آپارا - آپارا دوداق آلتی دئییر:

ایسکندر ، آللاه سنین کؤمه یین اولسون ! آللاه سنین کؤمه یین اولسون!

ایندی بو طرفینه باخ؛ سانکی رشیدین ، ایرضانین نوبه سی اولاندادا چوره یین

وئرمه یه سن! یادا سعیدین چؤره یین قاش - قاباغینان وئریب، اونو یولا سالاسان؛

یادا اوسته لیک آخیردا بیری ایله، حتتا حسینقلوایله ساواشیب جاوادینان قارقا

بوغوشدوروب، قاب - باجانی توکاندا بیر بیرینه ووراسان. او آدام چوره یی گؤتوروب

گئدنده دئییر: ایسکندر، آللاه سنین کؤمه یین اولسون!

آللاه سنین کؤمه یین اولسون!

بو دورومدا یورغون - آرغین توز-توفانلی قاپینی باغلاییب ائوه گئدنده ، ایسته ییرسن

بیر جومله آغزیندان قوپسون کی من چؤرکچی خانانی قورتاریب گلمیشم؛ سیز

هله یورقان - دوشه یی یغیشدیریب یئرینه قویمامیسیز، ائوده کی منه تس - تس

گؤزآلتی باخیب دئییر : ایسکندر ،آللاه سنین کؤمه یین اولسون !

آللاه سنین کؤمه یین اولسون !

چوخ یئرلرده بو جومله نی منه ساری ایشله دیرلر؛ بعضی واختلار ، معناسین

بیله - بیله، بعضی زامانلار معناسین بیلمه یه - بیلمه یه بو جومله نی منیم

قارشیما آتیرلار .

آما بو جومله نی بیر یئرده آیری جوره ایشله دیب منه چوخلو احتیرام قاییل

اولورلار، او زامان کی بو جومله نی اؤزونه ساری گؤتورور. اودا او زاماندی کی

رشیده تیلفون ائیله ییب،اؤز شعیرلریمدن بیرین اوخویورام، رشید یاواشجاسینا

یانیندا اوتوران دوستو چنگی معللیمه دئییر: زنگ ووران ایسکندردی ایسته ییر

اؤز شعیرلریندن بیرین اوخوسون . آللاه بیزیم کؤمه ییمیز اولسون!

آللاه بیزیم کؤمه ییمیز اولسون!!

گرگرلی آراز

جوجه لر

بئش تویوغوم کیح یاتمیشدی

بئشه چیخمادی جوجه لر.

هامیسی دوزده قالدیلار

دؤشه چیخمادی جوجه لر.

 ****

دولاندیلار یانی-  یانی

سئودیلر ساری سامانی

نین اولدو اولارین جانی

دیشه چیخمادی جوجه لر.

 ****

یاشامین گونو پیس گلدی

خیرمانین دنی پیس گلدی

پاییزین سونو پیس گلدی

قیشا چیخمادی جوجه لر.

رضا دهقان (چنگی)

بودا سنین موژده ن!!

بو دا گرگرلی آرازی تازه و گوزه ل ساتیریک یازوسی ، منیم کی چوخ خوشوما گلدی ، سیزی بولمورم . بویوروب اؤخویا بوله ر سیز : 

بودا سنین موژده ن

قاطار واغزالدا دایانان آن آغام مئیدی ایکی آیاقلی یئره آتیلدی! بیر گولومسوله

 نیب، اوجادان هارای چکدی، تامام واغزالداکی آداملار اونا ساری باخیب گولدولر؛

 بولدولر کی آغام مئیدی عسگرلیغی قورتاریب کندینه قایدیب؛ آما چوخداندان

ممدولی اوشاقلاردان آیریشیب کنده ساری یولا دوشموشدو. جئیران خالادان

 موژده لیقین آلسین ،دؤنگه نی دؤنسه یدی، داها قاپیلارینا بیر زاد قالمیردی؛ ائله

 قاپیدان جئیران خالا، جئیران خالا سسله یه سسله یه ایچری کئچدی . جئیران

 خالا تندیره سرده بیر – ایکی آرواد ایله تداروک گؤروردو؛ خمیر ائیله سین،

چؤره ک یاپسین. ائله اوردان ممدولی نین جوابین وئردی:

 نه دیر اوغلوم! ممدولی؟

 ممدولی دئدی : جئیران خالا موژده می وئر آغام مئیدی عسگرلیقدان گلدی .

جئیران خالا بیردن دئدی : هان !.... اوندان سونرا ایکی الین گؤیه قووزادی،

 بارماقلاریندان سس چیخاردا – چیخاردا بئلینده شلته – تومانین اویناتدی؛ 

سونرا بیر - ایکی، کار  ، کاغیذ تندیره آتیب  بیر اود - آلیشیق ائله ییب، گئنه

 اویناماغا باشلادی. بو سفر او بیرسی آروادلاردا اونا

قوشولموشدولار. بیری مژمه یین چالیردی، بیری قازانچانی، بیر ایکی سی ده

 توتموشدولار ، بیردن ممدولی دئدی :جئیران خالا! جئیران خالا! بیر بویانا باخ

جئیران خالا دوردو دئدی :نه دیر بالا ؟

 ممدولی دئدی :جئیران خالا منیم موژده می وئر.

 جئیران خالا دئدی : ممدولی هله سنین موژده ن وئرمه میشم ؟ تئز ایکی الین

آپاردی شلته سینین اوجلارینا، گؤیه قووزاییب، دئدی : بالا ، ممدولی، بودا سنین

 موژده ن!!!یازیق ممدولی ایندییه جان اوجور قورخولو بیر شئی گؤرمه میشدی

 نئجه کی واغزالدان جئیران خالا گیله قاچیب گلمیشدی؛ جئیران خالا گیلدن ده

 ائولرینه دک اوجورسونا قاچیب گئتدی!

او گونلری رضا معللیم، او ژورنالیستی دئیره م؛ دؤولت طرفیندن قره داغدا زلزله

 توتانلارا بیر موژده وئردی، سیزه ایکی آی موددتینده ائو دوزلده جه ییک سونرا

 ممدولی تکین دورموشدو موژده لیغین آلسین،گئدسین! آما هره اؤزونه مشغولودو؛

 بیر آدام یوخودور اونا ساری باخسین!  بو یئتیمین موژده لیغین وئرسین !

هئچ اولماسا، رحمت لیک جئیران خالادا یوخدور کی اونون موژده لیغین وئرسین!

 او ائولرینه گئت سین .

گرگرلی آراز

بایاتیلار

 

Narı yiyənə qurban

sarı giyənə qurban

yarın sözün yarına

gedib diyənə qurban

 

قبریمه قار دوشوبدور

گور نه حامار دوشوبدور

نه گلن وار نه گئدن

گویلومه یار دوشوبدور

 ***********

بوکوبدور، بئلی داغلار،

آغاردیب تئلی داغلار،

آیریلیق چاغی چاتمیش،

آخیدیر سئلی داغلار.

********

نه لر نه لر یادا دوشدو

خاطیره لر اودا دوشدو

او گونلردن قلبیمیزه

،قورخولو بیر صدا دوشدو

گورمه یه یدیم کاش کی سنی

*********

یوردوما قار دوشوبدور

گور نه حامار دوشوبدور

نه گلن وار نه گئدن

بوینونا دار دوشوبدو

گؤزومدن وار دوشوبدو

هر یانا جار دوشوبدو

************

سیزده بایاتولاروموزدان بوله ن لری نظر یرینه یازون ، گلین

 قؤیمویاخ بو سؤزلر یاد دان چیخسین ......

ادامه نوشته

ائششک عمی اوغلوسویوق!

بودا گرگرلی آرازین تازا ساتیریک یازوسی بویوروب اؤخویا بولر سیز

ائششک عمی اوغلوسویوق!

قونشو کتده بیر یاس یئری واریدی، اؤزوموزه وظیفه بیلدیک، جوما آخشامی بیر فاتیحه وئرمک اوچون مچیتلرینه باش ووراق! مچیتدن چیخاندان سونرا کتده بیر آز دولاندیق، بیر نفرین توکانینا گئتدیک، غلام حسین عمی کئچمیشده بیزیم کنده

قارا مال ساتماق اوچون گلردی، داها ایندی قوجالیب!

بیر توکان آچیب، اوردا آلیش- وئریش ائیله ییر؛ گیردیک توکانا، سالام، کئف- احوالدان سونرا دوستوم غلام حسین عمی دن سوروشدو: بو کتدن بیزیم کنده بیر

نفر عادل آدیندا پئندیر و یاغ ساتماغا گلیر، او دئییردی کی من غلام حسین عمینین قارداشی یام!غلام حسین تئز دئدی:

عادل آنلامیر! هایلا دئییرکی پئندیرلری، ساری یاغلاری ساتیلسین! منیم دوستوم سوروشدو:غلام حسین عمی! عادل عمی ایله بیر بیرنیزه چوخ اوخشاییرسیز! اولمایا عمی اوغلوسوز؟ غلام حسین عمی دئدی: عمی اوغلولوغونا عمی اوغلویوق، آما سیز دئین عمی اوغلولوقدان یوخ ها! دئییم سیزده بیلین؛

قیرخ- اللی ایل بوندان قاباق بیزیم آتانین قارا مالی طؤوله ده چوخ اولاردی؛ په یه میزده عادل گیلین په یه سینه گؤره ایسسی اولاردی! بو عادل گیلینده بیر- ایکی ائششک لری واریدی! طؤوله لری سویوق اولماقدا ائششکلر اوردا تیرتیر

تیتره یردیلر! بونا گؤره کی ائششکلر اؤلمه سینلر، ایکیسین گتیریب، بیزیم طؤوله یه سالاردیلار! بالا! اوزاماندان عادل عمینیز، غلام حسین عمینیزه دئیر:

عمی اوغلو! ائششک عمی اوغلوسویوق!

گرگرلی آراز

او رئییس، بو رئییس...!!

اسکندرین وبلاگونون هامی یازولاری اوخومالودی و بو یازوسی هم بیر خاطره دی انقلابوموزون اول گونلرینن و هم ده ایشیدملی بیر ماجرادی بویورون اؤخویون :

انقلابین ایلک ایللرییدی، بیزیم شهرده ده او بیریسی شهرلره تای کومیته دوزه لیندی. بیر نفر چوخ سونرالاردا او ایلک ایللرین خاطیره لریندن دئییردی؛ بیر گون کومیته ده اوتورموشدوق، بیر نفر گلیب، راپورت وئردی! فیلان باغدا چاخیر ایچیرلر، او دئین ساهاتدا دؤرد نفر حاضیرلاشدیق، گئدیب اونلاری توتوب گتیریب و جزالارینا یئتیرک.

آخیر سؤز چوخ چتینلیک ایله باغا گئچیب، کره یانینا سوزولووب، اوردا کمینه یاتدیق؛

من او کندلی اولمادیغیم اوچون اونلاری تانیمیردیم،یولداشیمدان سوروشدوم، او باشدا اوتوران کیمدی؟

- دئدی: او بو ماحالین موخابیراطینین رئییسی حوسین دیر!

- یاندا اوتوران کیمدی؟

- دئدی: او یاندا اوتووران بو منطقه نین پاسگاهلارینین رئییسی رحماندیر!

- بو بیریسی گؤمروکون رئییسی، او بیریسی دارایینین رئییسی ، بو یاندا اوتوراندا بو ماحالین دئمکراتلارینین باش رئییسی ایبراهیمدیر!

من باخدیم گؤردوم، اده بو ماحالین بوتون رئییس- روئساسی، باشچیلاری بورا ییغیشیبلار؛ هئچ بونلارا وزیر، باش وزیر،مملکتیمیزده اولان مجلیسده باتا بیلمز!! قالسین بیز کؤمیته نین دؤرد نفر قارنی آچیق، باشی آچیقلاری!

دوستوما دئدیم: قاییت دینمز - سؤله مز گئده ک؛ بونلار خطرلی آداملاردیرلار! بونلار ایله بیز باشارا بیلمه ریک!

دئدی بس نئیله یک؟

دئدیم: نئیله یه جه ییک، قاییدیب گئدنده، یولدا بیر- ایکی لوتدن، آشیق اوینایاندان،

اوشاق- موشاقدان تاپیب آپاراریق. اونلارادا بیر هده - قورخو گلیب، سونرا دیللریندن بیر کاغیذ آلیب،بوشلایاریق. نئجه کی دئمیشدیم اؤیله اولدو!

سن دئمه لی بیر بؤیوک خطر باشیمیزدا اوچوب، گئتدی!

گرگرلی آراز

قویروغسوز پیشیک :

 بو شعر رحمتلیک عزیز نسینین گولمه لی و طنز یازولارونون بیری دی کی شاعر همشهریمیز عیسی ودادی گرگری  زحمتین چکیبدی ، بویورون اؤخویون و لذت آپارون

قویروغسوز  پیشیک :

ئوز دوتدی ناظیمه بویوردی مؤدور

اولین مسئله نظافت دور

دیقت ائیلهنظافته هرگون

تا که مژبور اؤلمیام بیر گون

بیر گوزارش وئرم اداره میزه

 گلمیه حکم اینفصال سیزه

ناگهان گیردی دفتره ناظم

گؤردی فرراشی یوخلویان دایم

قیشقیریخ سالدی بینوایه دئدی

ایشیوه باخموسان دلیلی ندی؟

گئتدی فراش خسته ئرز ائوینه

عرضحالی دئدی خانم ارینه

گؤردی آرواد الین قویوب بئلینه

گوزله ائتدی ایشره بیر گلینه

دئدی بیر باخ بونون آجی دیلینه

گئجه گوندوز داراخ وورور تلینه

چرلمه گی چؤندروب اؤجاقه پیشیک

نه بیلیر ائو ندی و یا که ائشیک

الغرض گوتدی ساتوری فراش

پیشیگین قویروغون کسیب بیر باش

مودور و ناظیم و همن فراش

دینجه لیب هم اؤ قاین آنا کولباش .

عیسی ودادی گرگری

آبانماه 1391 فریدونکنار

گرگرین عشقی

گرگرین عشقی شعری از حاج سید رحیم صدرموسوی گرگری
گرگر عشقی ایلدی دهریده آواره منی....

آتدی مجنون کیمین وادی تهرانه منی
عاشق گرگریدیم ترک ایلدیم مجبوری....

ایلدی ترک وطن دربدر هر یانه منی
گرگری عاشق وگرگردی اونون معشوقی...

گرگرین عشقی ادیب اغیارا بیگانه منی
روز ازلدن گرگ چیخمازودوم گرگردن...

بولمدیم کی سالاجاق آتش هجرانه منی

گرگره عاشق اولان سختی گالا غربتده...

اودی غربت ایلدی ساکن غمخانه منی
عاشق صادق اولان ترک ایلمز معشوقی...

گرگری ترک ایلدیم ایلدی دیوانه منی
منی گرگر چاغورور منده وطن سسلیرم...

آتش هجری اونون یولادی زندانه منی
ای اولان توپراقی در داشلاری مرجان گرگر...

همتی ایللروین ایلدی حیرانه منی
باغلاری جنت و هم داغلاری رضوان گرگر...

قویما غربتده اولم دفن ایده بیگانه منی
ایستیرم بیرده گلم گرگره طاقت یوخدی ...

قوجالوق ایلدی غربتده مریضانه منی
ال دعاده گزیرم یالوارورام الله...

اوردا اولدور منی اید ایللره همسایه منی
اهل گرگر گلجاق فاتح ورنده ایشیدیم ...

یارما اوستونده ایله دوسلارا هم خانه منی
بولورم بوردا اولم یا کی اولم گرگرده...

اهل گرگر سالاجاقلار همیشه یاده منی

شعر غدیریه

 

عید غدیر را به تمام مسلمانان جهان بویژه همشهریان بزرگ تبریک میگوییم

غدیریه اشعاری

این اشعار توسط جناب آقای عیسی ودادی گرگری بمناسبت عید بزرگ غدیر سروده شده و برای درج در وبلاگ گرگریان ارسال گردیده است . لازم به تذکر است که همشهری شاعر ما در شمال ایران و در شهر فریدون کنار ساکن است و با اینکه مدت طولانی است که از زادگاهش دور است آقای ودادی مسئول انجمن شعرای فریدون کنار میباشد  .   اشعار زیادی از ایشان در همین وبلاگ منتشر شده است و همچنین و منظومه نشان داغی یکی از آنها ست که بزودی بصورت  یک فایل " پی دی اف " تقدیم حضورتان خواهد شد .اینک شعر غدیریه این شاعر همشهری تقدیم شما

آخرین حج دن خلاص اؤلدی رسول ممتحن

رهبر دین  یثربه ائتدی عزیمت یا علی

کاروانه امر اؤلوندی بئرخم ده دایان

تا که کامل ایله سین دین و رسالت یا علی

منبری ایجاد اؤلدی بیر نئچه جهاز دن

تا که ابلاغ ایله سین دین و رسالت یا علی

حجله لر باغلاندی الحق گول لری ایمانیدن

فرشدن عرشه چاتوبدور بانگ احسنت یا علی

سویله دی من کنت مولاه علی مولا اونا

چاتدی عرشه بانگ تکبیر جماعت ، یا علی

آیه ی الیوم اکملت گئتیردی جبرئیل

کامل اؤلدی دین اسلام و رضیت و یا علی

مسنده ایله شدی حق اجرا اولوندی امر رب

سیندی عالمده اولان بنیاد ظلمت یا علی

وسعت نور خدا لمعه سالوب دنیا لره

باطلین پرونده سین معدوم ایدوبدور یا علی

شیعیه اؤلدی وظیفه ذکر مولا ایله سین

ابجده باخسان علی یوز اون اؤلوبدور یا علی

سرخوش اؤلدی شیعه لر صهبای مولادن بوگون

هر طرفدن سس یئتیشدی " بَخّ بَخّا " یا علی

وای اؤنون احوالینا سیندیردی بیعتدن سورا

هر ایشه دبّه چیخاتماق اؤلدی بدعت یا علی

بار الها وادَ واداهُ و عادَ عادهُ

یاور اؤل شیعه لره هرکس دئیوبدور یا علی

قربان بایرامی مبارک اولسون دوستلار و همشهرستانی لر

اومید وارام کی تانری بو گؤزل قوربان بايراميندا هاميميزين

 قوربان‌لاريني, عبادتلرريني,دعا‌لاريني قبول ائدسین. ائولره روزي-

بركت,اوركلره ايمان ایله اوميد,گؤزلره ایشیق,گوناه‌لي لارا عفو وئرسین.

 قوربان بايرامينيز قوتلو اولسون.

گَلدی قربان بایرامی اولسون مبارک دوستلارا

قسمت ائتسون اؤز ائوین حَیِّ  تَبارک دوستلارا

دوستلارین  وار لطفِ  بی پایانی ، آگاهم اونا

من اودور بیر اِپسیلوندا ائتمَرَم شَک دوستلارا

بیر مَثَل وار فارس ایچینده دوست دیَر: اوز دوستونا

بو اورک ویرمیش بو گونلرده یامان لَک دوستلارا

واردی آرزوم دوستلاریم غم گؤرمه سین دنیا بؤیی

قسمت اولسون طؤی،تیرینگَه، دایرا،دُنبَک دوستلارا

((جعفری)) اللّهدان ایستر دوستلارین شاد اولماقین

غم گئده دشمنلَره،شادلیق گَلَه تَک دوستلارا

جعفری زاویه

صرف ائله مز!!

اسکندرین وبلاگونون تازا مطلبی

رشید دوستومون توکانیندا اوتورموشدوم. آلیش- وئریشدن

آه - ناله سی گؤیه قالخمیشدی . او دئییردی : ائله اولوب

بیر ماتریالی ایکی قات قیمتینه ساتیریق، سونرا او

ساتدیغیمیز قیمته آلیب یئرینه قویانمیریق.

بو سؤزلردن چوخ دئیردی، منده قولاق آسیردیم؛ بو

آندا شیرعلی توکانین قاباغیندان گئچیردی.

شئرعلی اللی -اللی بئش یاشیدا بیر کیشیدی،

یاریم چیلیق سکته ائله ییب، بیر آزدا هوشونون آزلیغی وار .

بیر تومان گئیر؛ اونودا دوز کوبه یینین اوستونه جان چکر.

بیر الی قارنینین اوستونده، بیر الینده توولایا - توولایا

ائولریندن چیخار؛ مئیدانی جوولانار؛ اوندان سونرادا

ائولرینه گئدر. بو دؤره وورماق، سحر چیخسا ناهاراجان

، ناهاردان سونرا چیخسا آخشاماجان چکر. ائله بو

توکانا - او توکانا کئچیب، صاحیبی ایله بیر

دیل خوشلوق ائیلر؛ سونرا یئنه توکاندان چیخیب، یولونا

ادامه سین بوردا اوخویون صرف ائله مز!!

دئییشمه لر و دؤئیوشمه لر

گرگرلی آرازین وبلاقی بیرگوزه ل مطلبینن تازالانوبدی :

«دیللن قوی یئتیشسین ویصالین دمی

اورکدن تمیزله دردی وره می

اصلی سیز داغلاردا یانیق کرمی

یازیقدیر سیزیلدات آز قادان آلیم»

ادامه سی وبلاگ گرگرلی آراز

قوجالار سؤزی

نئجه من وصف ائلییم آی قوجالیق

قالمایوب دیزده توان آی قؤجالیق

گئتدی گؤزله ر ایشیقی مع الاسف

قولاقین ائشیتماقی آی قؤجالیق

سینه خیش خیش ائیلییر ئوسکورورم

تؤکولوب اؤتوز دیشیم آی قوجالیق

توشوب الده ن آغاجیم یا کی عصام

آرابام ویلچر اؤلوب آی قؤجالیق

گؤئتوروب خانه خوبانه* منی بویوک اؤغول

ائله بیر جانه گلوب آی قؤجالیق

آلتی ایلدی قالموشام بو گوشه ده

معلوم اؤلدی بی کسم آی قؤجالیق

گئجه گوندوز آللاها یالوارورام آپار منی

ایندی اؤلماخدا منه ناز ائیلییر آی قؤجالیق 

عیسی ودادی گرگری

-----------

*خانه خوبان : خانه سالمدان تبریز

نظم دو داستان کوتاه از یک شاعر گرگری

دو داستان طنز گونه و کوتاه قدیمی که  آقای مرتضی ودادی گرگری شاعر عزیز شهرمان آنها را به نظم در آورده و تقدیم شما میشود 

علت ازدواج نکردن بهلول فرزانه :

ز بهلول فرزانه شد این سئوال

نکردی چرا اختیار عیال

بگفتا که گشتم بسی شهرها

که یابم زنی بی ریا با صفا

به تبریز و ساری به بیهق طوس

سنا باد و آن  آفتاب شموس

به ترشیز و دزداب ، خبیص و بهجی

به کاشان و سمنان ، به خوار بری

به ری یافتم آن چه میخواستم

به کردار  او دین و دل باختم

بپرسید مونس زفرجام کار

به گفتا که راضی نشد آن نگار

سجایای اورا نمودم قبول

برات مرا او نموده نکول

پسندیدم آن قره العین ری

دریغا نیم ایده طبع وی

چنین پیش آمد شدم کام سوز

کماکان بماندم تک و یالقوز ......

ادامه نوشته

آب را گل نکنید ..........اما !!...

همشهری عزیزمان آقای ودادی بر خلاف  شعر زیبای شاعر توانا سهراب سپهری شعری سروده اند که در زیر عین نوشته ی ایشان تقدیم می شود البته ما در این وبلاگ فقط مطالبی را که در ارتباط با محال گرگر باشد نشر میدهیم و این برای تشکر از آقای ویدادی میباشد         . آقای ویدادی مینویسند ...

برخلاف سفارش سهراب سپهری گاهی لازم است آب را گل آلود بکنیم 

شنیدم بار سالاری به صحرا 

تحیر نمودی ز یک ماجرا

ز آب صاف رودی باره با بار

گذشتن را معطل کرد انگار

همو در یافتی با هوش ذاتی 

که اسب با دیدن خود کرد قاطی

نباشد سهل امر خود گذشتن 

بسی دشوار باشد خویش کشتن 

گل آلودش نمود آن آب جاری

که اسب آید برون از حال زاری

خلاف گفته سهراب گاهی 

که آب صاف را در یک نگاهی 

گل آلودش کنی تا میتوانی 

بشرط آنکه رمزش رابدانی .

فریدون کنار ودادی گرگری

در زلزله با شهریار

قره داغوم ،‌ سنوْن اوْزوْن آغ اوْلسون !//

دؤرت بير يانون بولاغ اوْلسون باغ اوْلسون //

بيزدن سوْرا سنوْن باشون ساغ اوْلسون //

دوْنيا قضوْ - قدر ، اؤلوْم - ايتيمدى //

دوْنيا بوْيى اوْغولسوزدى ، يئتيمدى

****

قره داغوم ، يوْلوم سنَّن کج اوْلدى //

عؤمروْم کئچدى ، گلممه ديم ، گئج اوْلدى //

هئچ بيلمه ديم گؤزللروْن نئج اوْلدى //

بيلمزيديم دؤنگه لر وار ،‌ دؤنوْم وار //

ايتگين ليک وار ، آيريليق وار ، اوْلوْم وار //

****

قره داغوم  ، ايگيت اَمَک ايتيرمز

عؤموْر کئچر ، افسوس بَرَه بيتيرمز

نامرد اوْلان عؤمرى باشا يئتيرمز

بيزد ، واللاه ، اونوتماريق سيزلرى

گؤرنمسک حلال ائدوْن بيزلرى

وطنیم آغلیر

ای کؤنول ! یولونو سال قارا داغدان
آنالارنیسگیلین آل قاراداغدان
«یانیق کرمی» نی چال قاراداغدان
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ اوره یی قان اولان وطنیم آغلیر
باغری شان – شان اولان وطنیم آغلیر

یوللاردان کسیلیب گلیب – گئده نی
یولدان قایتارمیر لار یاردیم ائده نی!
کؤرپه نین سولوخموش ،جانسیز بده نی ،
آنا قوجاغیندا ! سینه می داغلیر
باغری شان - شان اولان وطنیم آغلیر

دئپره م قویماییبدی داش اوسته داشین
دیری قالانیدا ایتیریب باشین
مله یه – مله یه باجی قارداشین
سویوق یئرده ن ایستیر !گؤیده ن سوراغلیر
باغری شان – شان اولان وطنیم آغلیر


یوردو داغیلیبدی اولو میلتین
قوینوندا قالیبدی قولو میلتین
ئولومده ن کئچیلیر یولو میلتین
قارادغ قاراسین باشینا باغلیر
باغری شان – شان اولان وطنیم آغلیر

ئولمزیک ! یاشاماق قانیمیزدادیر
قئیره تلی «ستارخان» یانیمیزدادیر
وطنداش سئوگی سی جانیمیزدادیر
35 میلیونون گؤزیاشی چاغلیر
قارداغ قاراسین باشینا باغلیر

ائلدار قره باشلی (عقیل مرادی)

آجی فطیـر اولسام اگر ... دوندر شیـرین فسله منی !!!

مین یول سنی چاغیرمیشام

بیـر یول دا سـن سسله بنی !

یالنیزام بن ! هئچ کسیـم یوخ

قـولتـــــوقونـدا بســـــله بنی !

دوزدی کــی یـــاخچی دگیلم

آممـا گـــــل آز پیســــله بنی !

آجی فطیــــــر اولســـــام اگر

دوندر شیــــــرین فسـله بنی !!!

یازیــــم گئدیب پـــــــاییزدایام

ســــاخلا گلـــــن فصـله بنی !

پیس نسیـــلدن اولســام اگر

گـؤنـدر گـــــــؤزل نسـله بنی !!!

پیسله ریلن قـــــاریشمیشام

یــــــاخچی لـارا وصــــله بنی

طوی گئجه سی خلق ایچینده

بـزنــــدیــریــپ شستـله بنی

حبیبـــی دوز یــــــــولا چـوندر

ایــــری یــولـدان هسـله بنی !!!

(هزار بار تو را فریاد زده ام ، تو هم یکبار صدایم بزن ! تنهایم و کسی را ندارم ، در آغوشت مرا بپروران !!! درست است که خوب نیستم ولی تو بیا و مرا کمتر از این بدنام کن ! اگر نان خشک تلخی باشم ، تو مرا تغییر بده و به نان روغنی شیرین مبدّلم کن ! بهار من سپری شده و من هم اکنون در پاییز عمرم بسر میبرم ! تو مرا برای فصل آینده حفظ کن !!! اگر از دودمان بدی هستم ، تو مرا به نسل زیبایی بیاور !!! با بدها آمیخته ام ! تو بیا مرا به خوبانت وصل کن ! در شب عروسی و گاه پز دادن میان مردم ، مرا آرایش کن و قد و قامت رعنایم ببخش !)حبیب را به راه درست برگردان و از راه کج عقبگردش بده !!!)

منبع وبلاگ :اورکیمین سوزلری - حرفهای دلم

کونول ائله ناشی

ائله قاریشیر کی باشیم اوزومه

ساچیما دن دوشور خبریم اولمور

چکیده دوز گلمیر داشیم اوزومه

طاقتدن جان دوشور خبریم اولمور

یئکه لیر اولادلار آرتیر قایغیلار 

داغ تک قالاقلانیر یاتیر قایغیلار

قیزیل بالیغا تور آتیر قایغیلار  

یولوم توردان دوشور خبریم اولمور

چوخ اولوب؛اوزومواونوتموشام من 

 گوزه گورونمزه اوز توتموشام من

گوزومون نمینی قوروتموشام من

بو یاش هاردان دوشور خبریم اولمور

کونول ائله ناشی؛یاغینی سئچمیر 

اوزاغی یاد بولور یاخینی سئچمیر

  بونجا ازدهامی آخینی سئچمیر 

گوزوم نوردان دوشور خبریم اولمور

قوجا قارتال