بایاتیلار
ترلان گلیب بو باغا
قونور بوداق - بوداغا
اولو اولسام دیریللم
دیسه دوداق - دوداغا
***
گدن گئتمه دایان دور
سیرریم سنه عیان دیر
گلیشین من قوربانین
گئدیشین نه یامان دیر
***
قیزیل گولی بیچرم
اوستونده آند ایچرم
دونیا منه دوست اولا
تهجه سنی سچرم
***
آی قیز گزمه آرالی
کونلوم سندن یارالی
گوزلرینه حیرانام
آذربایجان مارالی
***
عاشق آدین شیرین دی
فرهاد دوستو شیرین دی
دوست دان دوستا گلن پای
بئچه بالدان شیرین دی
***
من عاشیق باغدا دارا
آچ زولفون باغدا دارا
بولبولو گولدن اوتور
چکیرلر، باغدا دارا
***
آغـــــــــلایارلار ،گـــــولرلر
گـــؤز یاشـــینی ســیلرلر
گـــئچن گــونون قــدرینی
گــــلن گـــــونده بــــولرلر
***
کوئچه میزدن گئشدی یار
آغ جوراب گیرمیشدی یار
سلام وردیم آلمادی
دئدیم بس کوسموشدی یار
***
گؤی اوزونده پرده سن
سالدین منی، درده سن
من سنی چوخ سئویرم
گؤیده آللاه، یئرده سن
***
باغیندا، شیرین، نه وار؟
یئمه لی شیرین نه وار؟
گزسن بوتون دونیانی
سئوگی دن شیرین نه وار؟
***
زنخدانین خالدی یار
دیل دوداقین بالدی یار
سنده کی بو گوزللیک
عالمه سس سالدی یار
***
بو گلن جانیم اولسون
گلسین قوناغیم اولسون
هارا گئتسن تئز قاییت
جانیم قوربانین اولسون
***
آتیم، توتوم آلما یار
ائوده یالقیز قالما یار
ال منیم، اتک سنین
نظریندن سالما یار
***
یان یانا دوردوغوم یار
اؤباسین قوردوغوم یار
گوزللیک ده تایین یوخ
قوربانی اولدوغوم یار
***
گل منیم دالیمجا قاچ
مطلبین آلینـــجا قاچ
محبتین اودونو
باغریما سالینجا قاچ
***
عزیزیه م آلما یار
ائوده یالقیز قالما یاز
ال منیم ، اتک سنین
منی گوزدن سالما یار
***
عزیزیه م ، گوزوم یار
الیم سندن اوزوم یار
وعده وئردین گلمه دین
قوجاخلادیم دیزیم یار
***
باغچا میزدا قویی وار
سرین - سرین سویی وار
بیر دانا یار سئومیشم
گوزل حالی- خویی وار
***
سو گئلیر قالخا ،قالخا،
تؤکولور بیزیم آرخا،
گیزلیتده یار سئومیشم ،
آنامنان قؤرخاقؤرخا.
***
سو تک آرخا دولاندیم،
ساپ تک چارخا دولاندیم،
ظالیم فلک الیندن،
قورخا -قورخا دولاندیم
***
فلکین داد الیندن،
اولمادیم شاد الیندن،
یامان یئرده ییخیلیدم،
توتمادی یاد الیمدن
***
عزیزیم دیلن گز،
باغدا گوله دیلن گز،
غوربتده خان اولونجا،
وطنینده دیلن گز
***
عزیزیم وطن یاخچی،
کوینکی کتان یاخچی،
غوربت یئر جنت اولسا،
یئنه ده وطن یاخچی
***
دومانلی داغلار گویلوم،
نیسکیللی باغلار گویلوم،
نه آچیلار،نه گولر،
همیشه آغلار گویلوم
***
آغلارام آغلار کیمی،
دردیم وار داغلار کیمی،
خزان اولدوم توکولدوم،
ویرانه باغلار کیمی
***
آچیلارام گول کیمی،
اوخورام بولبول کیمی،
گویولومه دگن اولسا،
ساراللام سونبول کیمی
***
گوزلرین خومار ایندی،
یاش توکر یومار ایندی،
توک زولفون سینن اوسته،
گورن نار اومار ایندی
***
عاشیق سوزون گیزله در،
سوزون دوزون گیزله در،
سن چمنه چیخاندا ،
لاله اوزون گیزله در
***
من عاشیقام هر آیلار،
هر اولدوزلار هر آیلار،
باشیم جلاد الینده ،
دیلیم سنی هارایلار
***
من عاشیقام هر آیلار
هر اولدوزلار ،هر آیلار
بوردا بیر گول بیتیبدی،
سوسوزوندان هارایلار
***
قارا دنیز قارادی
اوره ییمیز یارادی
بو آمان سیز یول لارین
سونو گورون هارادی
***
من آشیقام هرایلار،
هر هفته لر ،هر آیلار،
دریادا بیر گول بیتیب ،
سوسوزوندان هرایلار.
تاریخ چیست؟ تاریخ را سه گونه میتوان تعریف کرد: