قیزقاچوتماخ
قیزین قاچماغی
سیز آتالار و سیز آنالارا و بؤیوک قارداشلارا جیددی هوشدار وئریلیر! بو قیزلارین حرکاتینا بیر آز دیققت نظر وئره سیز، چونکو بیر آز فیکرله شیب یاخیندان بونلارا باخاندا، بیردن گؤررسینیز بو قیز تامام درس کیتابلارین - بزک کیفی ایله بارابار ییغیب، یغیشدیریب تازا لیباسلارین گئیینیب؛ حتتا قیزیللاریناجان تاخیب،ساهاتین باغلاییب، قارا چادیراسین گؤتوروب ائودن چیخیر؛ آما بولون بو اونو سون گؤرمه یینیز دیر.
نییه ؟ چونکو بیر اوغلان ایله قاچیر. بیرده دئیبلر اؤزو گئدن یا چرچییه گئدر، یادا یولچویا! نه اولار بونودا دئیبلر اؤزو یخیلان آغلاماز! واللاه، بیزده قولاق گوناهکاریریق؛ بیرده غیبت دن هئچ خوشوموز گلمز.
بیزه نه! بو قیز بیر زامان گؤز - قاش آتیب یا آناسی چؤره کچی خانایا گئدن زامان تئلفون ایله او اوغلانینان دانیشیب؛ قرارلاشیب، یا بیر کاغیذ وئریب؛ بیزه نه! بیزه نه! حتتا دئیرلر: بعضی لری، قولاغلارینا قورقوشوم! عکسیده وئریرلر؛ بودا شاید وئریب؛ هئچ یاخچی دئییل، آدامین یئری جهننمده اولار، نییه غیبت ائله یک، بیز گؤردوغوموزو دئیک. اوگونلری گؤردوم توکذ باجی اسمرخالا گیله بیر-ایکی دفعه گل - گئت ائیله دی .
اسمر خالا، قیزی وئرماغا اوزو راضیی دی، اسمرخالانین اریده همیشه اسمر خالانین سؤزون دئیر.آما یئزینه لری و او پاسدار اوغلو راضی دئییلدی! یازیق قیز بیر آیاغین قویوب یئره بیر آیاغین گؤتوروب، آخیردا اؤزون ساخلایانماییب، باشینا بیر چادیرا سالیب، قونشو ائوینه قاچدی! دوستودا هر زادی حاضیرلامیشدی
تئلفون الینده پنجره دن ائشییه اوزالتدی. 9991الو،الو؛ آژانس شفقدی تئز اولون بئواخدی! بیر ماشین گؤندرین چؤره کچی خانانین قاباغینا. بیر آز تئز اولون.
اون دیقه دن سونرا قیز اوغلان ائوینده اؤزون یئره چیرپیر. قیفیل الینده هوشدن گئدیب. بیر آیری اوتاقدا هامی ال - آیاغین ایتیریب؛ قیزا سوروم باغلانیب، - اوغلان اوجا سسله بیر - ایکی دنه مؤحتره مانه یامان او طرفه آتیر، بو طرفده اسمر خالا بیر شیوه ن ایله چادیرانی بئلینه باغلاییب، هاوار چکیر؛ آما اوره یینده ائله سئوینیر او بیرسی قیزلار، وردنه الده اورتادا آت اوینادیرلار. اسمر خالانین اری هردن دورور اوتورور،
هردن هوشدار وئریر؛ قان سالمایاسیزها؟بیردن ایکی ماشین کوچه نین باشیندا بیر اوجا سس ایله تورموز وورور؛ اوچ کوره کن و بیر اوغلانی توتورلار، آما اونلار توتولمورلار.
کوچه نین انجیره تیدن قاپییاجان اوچ دفعه ییخیلیب قووزانیرلار؛ اؤزلری ایله ال به یاخا اولوب آیریشیرلار.قاپی قاباغیناجان اون دفعه اؤزلرینه، اون بئش دفعه قیزا یامان- یووز دئمک ایله، اوغلانین قانین قاینادیب،هر ایکی طرف بیر - بیرینه دییرلر . او آن، بیزیم وظیفه میز باشلانیر، تئز قاچیب بیر - بیریندن آییریب، بیر - بیر اوزودن اؤپوپ، باریشدیرماق اوچون چالیشماغا باشلاییریق .
بیردن قیزین قارداشی تزه کوره که نین آلتیندابئل - بوخونو اینجییه دن سونرا اوجا سسله دئیر:
داها بو قیز قیزیل اولا اونو ائوه قویمارام! تئز کوره کن ده دئییر: منی تیکه - تیکه ائلیه سز، من اونو سیزه وئرمه رم .! بو ایکی کلمه ایله، سؤز قورتاریر، ساواش سوغویور. هامی باشلارین آشاغا سالیر، ائولرینه گئدیرلر .
بیر ایکی نفر قیزین طرفیدن، قیزین یانیندا قالیرقیز یاواش - یاواش اؤزونه گلیر تامام خرج - مخاریج اوغلان گیلین اوستونه دوشور.کبین کسیلیب توی توتولانان سونرا، اوچو
گونو قیز گیله گئدنده اسمر خالا قاباغا گلیب، اوغلانی اوزوندن اوپنده، قیزین ارداشی ، باجاناقلار، گوله - گوله قاباغاگلیب اؤپوشه - اؤپوشه اوغلانا دئیرلر:
بوندان اؤتور ائله بیز موخالیفیدیقدا! بیزیم یئریمیز داریشلیق اولاجاق، نئجه کی آهان
باخ، اولدو!هامی گوله - گوله ائوه گئدنده بئش - آلتی قیز، قیزین دوستلاری حیاتین بوجاغیندان اونو چاغیردیلار.قیز، قیزلارین یانینا قایدیب هامی ایله اؤپوشوب گؤروشن دن سونرا، یولداشلارینین بیرینه دئدی:
گه ل ایچری ائوه، دئییم سنه نئیله یه سن! هارا گئدیب هاردان گله سن ! نئجه، هارا تئلفون ائله یه سن!
گرگرلی آراز
تاریخ چیست؟ تاریخ را سه گونه میتوان تعریف کرد: