گرگرلی ترلان ننه نین خاطرهسی (یونس شاملو - شمبوری)
گرگرین ان سئویملی و بلکهده ان کدر چکهن قادینلاریندان بیری ترلان ننه اولموشدور. او، گرگر`ده یوخ، بلکه آذربایجانین نخجیوان شهریندئ گؤزلرین بو دونیایا آچمیشدی. ترلان چوخ گنج یاشلاریندا علی مددلی ایله عائله قوروب، نئخجیواندا یاشاییردیلار. ترلان ننه ایله علی عمینین ایکی قیزیلاری وار ایدی، بیریسی توووز، او` بیریسیده گولشان آدلانیردی. گونلرین بیر گونونده، علی عمی ایشدهن ائوه قاییدیر و ترلان ننه`یه اؤز آتاسینین اؤلوموندن خبر وئریر. علی عمینین آتاسی نخجیواندان بیر آز اوزاقدا اولان گرگرده یاشاییرمیش. علی عمی مددلی عائلهسینین ان بؤیوک اوغلو ایدی. علی عمی آتاسینین یاس مراسیمینده اولماسی بیر طرفدن، و آتاسیندان قالان ایرث- میراسی اؤز باجی- قارداشلاری آراسیندا بؤلمک اوچون گرگر دونمهسی گرکیردی. اونا گؤره علی عمی اؤز خانیمین نجیواندان گؤتروروب گرگره دوموش، و هئچ زاماندا نخجیوانا قاییدا بیلمه میشدی. اونلارین گرگره گلندن بیر آز سونرا ایستالین ایرانلا روس سرحدین باغلییادیغی اوچون ترلان ننه هئچ زامان اؤز آتا آناسینی گؤره بیلمهدی، او اؤز قوهوملارین و قونشولارین هر زامان اؤزلردی، اما هئچ زامان قاپیلارین باغلی اولدوقونا گؤره نه آتا-آناسین و نده قوهوم-قونشوسون زیارت ائده بیلمه میشدی.
ترلان ننه عؤمرونون سؤنونا قدر گرگر`ده قالدی و توتلوق مچیدینه یاپیشان یئکه باغ کیمی بیر ائوده اؤز کیشیسی و اوشاقلاری ایله یاشاییردی. اونلار گرگره گلندن سونرا طاهیر آدیندا بیر اوغول صاحبیده اولموشدورلار. ترلان ننه اؤ گؤزل و مئیوه دولو باغ کیمی ائوینده یاشاسا ایدیده، کدری، و اؤزلهم حیسسلرین اؤزوندن اوزاقلادا بیلمیردی. بعضی زامانلار، ترلان ننه اوغلو تاهیر ایله آرازین قیراغین گتیب آتاسین آناسین اؤزلویه اؤزلویه آرازین او تایینا باخاردی و ساعتلار گؤزون آرازین او تاییندا اوزمزیدی. سونرا یورقون- آرقین گرگر`دئ ائوینه دؤنردی.
سون زامانلاردا ترلان ننه نین ایکی قیز بیر اوغلوندان چوخ ساییدا نوه و سونرالاردا نتیجه صاحبده اولموشدو. او چوخ زامان گونونو اؤز نوه- نتیجهلری ایله گئچیرردی.
یای گلنده، ترلان ننهنین ائوی، بیر جننته چئویریلردی، علی عمی ان گؤزل مئیوه آغاجلارین ترلان ننهنین حئیأتینده اکمیشدی. ان آزی بئش جور توت آغاجی، اوچ جور انجیر آغاجی، اوچ جور آلچا آغاجی، و هر جورده اوزوم وار ایدی. ترلان ننهن گرگرده قوهومو اولماسادا، اونون قونشولاری، دوستلاری، سونرادا اونون نوهلری ترلان ننه`لرین اورکدن سئوردیلر.
بیر گون ترلان ننهیه یئنی بیر خبر گلدی. او خبر ترلان ننه`یه گؤزلهنمهیهن بیر خبر ایدی. خبره گؤره ترلان ننه`نین خوی شهرینده عمی قیزیسی تاپیلمیشدی. ترلان ننه یئره گؤیهده سیغمیردی. سان کی قاناد آچیب اوچوردی...
بیلیرسینیز ترلان ننه یئنی قوهوملارین تاپاندان سونرا نه اولدو؟
ترلان ننهنین خاطرهلری دوام ائدیر....
توضیح: از این زنان در محال گرگر فراوان است ......و تقریبا در هرمحله و کوچه ای در گرگر از این مادران رنج کشیده وجود دارد ...
تاریخ چیست؟ تاریخ را سه گونه میتوان تعریف کرد: