آخرین قسمت از منظومه ی نشان داغی اثر همشهری عزیزمان آقای عیسی ودادی گرگری تقدیم می شود ، امیدوارم آقای ویدادی توضیحاتی در باره افراد و مکان هایی که در این منظومه از آنها نام برده جهت تکمیل مطلب ارسال بفرمایند تا خوانندگان نا آشنا به محل سکونت ما هم با آگاهی بیشتر این منظومه را که اولین بار در این وبگاه منتشر شده است بخوانند . با آرزوی سلامتی و پیروزی برای آقای عیسی ویدادی گرگری ، در ضمن اگر تصاویری هم از آن روز های گرگر دارند برای اضافه کردن به آلبوم گرگریان که در آرشیو وبگاه قرار داده شده است ارسال بفرمایند ...

25 – نشان داغی :

قازدارمادا اوردک کیمین چیمه ردیوخ ،

آخمادان آبدالا تورشک یییردوخ ،

قیامدین کافگیله سین بیچه ردوخ ،

قازآیاقی ، پیاوری ده ره ردوخ ،    

 آذان وقتی کندیمیزه گلردوخ .

26 – نشانداغی :

بویوک بابام نیشان لیغا گئده نده ،

داما چیخوب آداخلی سین گورنده ،

اوباجادان سوز سووونی دئینده ، 

آداخلیسی دیوربیرده گلنده ،   

  یاشماق آلوب گلرسن تازا کنده .

27 – نشان داغی :

بویوک بابام یاشماق آلوب گتیردی،

اوباجادان برک سالوب اؤتوردی ،

نیشانوسی یاشماقی تئز گؤئتوردی ،

یوخو توتوب بابامی قار باسوبدی ،   

   یارون گؤئروب کیف ایله یوب یاتوبدی .

28 – نشانداغی :

گرگر ارخی لیوارجان نان گلنده ،

تورگان سوئی داغدان داشوب گلنده ،

دره دیزدن سویون ارخی گئچه نده ،

کند ایچینده اوچ چشمه سو قالخاردی ،  

  ایرمی کهریز چولرده هی آخاردی .

29 – نشانداغی :

روس قوشونی آرازدان تئز گئچنده ،

طیاره لر بیزیم گویده ن اوچنده ،

سالداتلاری چوچه لری اولچنده ،

شار آتاندا گئجه گوندوز اولاردی ،  

 توپ آتاندا پنجره لر لیخلاردی .

30 نشانداغی :

سالداتینان ایتی گیردی قاپودان ،

ایت هورودی کیشی آشدی دوواردان ،

روس دئماخدا سالدات قاشدی قورخودان ،

اوندابیلدیم روس دانوشان عمیمدی ،  

   دیل بیله نلر هر کیمسیه قنیمدی .

31 – نشان داغی :

یوک ماشینی دره دیزده دورموشدی ،

یورقون شوفور تعمیرینده قالموشدی ،

مشد اسماعیل بوستانونان گورموشدی ،

پالچوخلی بیر کیشی ماشینا باخدی ،  

  یازیخ شوفیر تعجیبیندن ماراخدی .

32 – نشان داغی :

شوفور دئدی قالموشدوم ال ایاخسوز ،

بویون منه بو غربتده دایاغسوز ،

هاموز منه جولفادا سیز قوناقسوز ،

اوتوز ایل گئچدی عمیم حججه گئدنده ،  

  بیرده شوفور دعوت ائتدی دربنده .

........

33 – نشان داغی :

یای گلنده باهار فصلی گئچنده ،

اریک لری طبقلره دوزنده ،

طبق لری گونش لره سره نده ،

طبق طبق خزانیه ییغاردوج ،  

  کوکوردی یاندریب پالچوخلیاردوخ .

34 – نشانداغی :

جعفر آقا کهر آتی مینردی ،

اوش قولاخدان پیر یه زه جان گئدردی ،

خطی کناروندا معقول دوراردی ،

قاطارونان مسابقه قویاردی ،  

  بیر سیقنالا آتی اولکوب قاچاردی .

35 - نشان داغی :

او چیلله لر خاطیره سی یاد اولا ،

چیلله پایی آغیزلاردا داد اولا ،

کورسی قوران ناغیل دیئن شاد اولا ،

یرلریمیز بوستان اولسون باغ اولسون ،  

  آجیل و میوه گتیرن ساغ اولسون .

36 – نشان داغی :

چارشنبه لر اؤدون جیرنات ییغاردوخ ،

چیخیب داما اوللارا اؤد ووراردوخ ،

ریشه لی بیرگون تاپوب تؤولاردوخ ،

ترقه میز ساخسی داکی کوکوددی ، 

  هیچ اؤلماسا قوطوداکی کیبریت دی .

37 – نشان داغی :

بایرام گونی بؤیوک مسجد دولاردی ،

کلبه عزیز تشته سو دؤلدوراردی ،

چهل یاسین چینی کاسا یازاردی ،

ایل تحویل ده قیر آیاخ تئر دونردی،  

  جماعت ده بیر بیرینی ئوپه ردی

38 – نشان داغی :

اوروجلوخ بایرامی اؤلوله ر یاد اولاندا،

لاواشلارا حالوا خرما قویاندا،

طبقلره یا سینی یه ییغاندا،

هرکیم گلوب اوز قبرینی تاپاردی ،  

 اوشاقلاردا حالوا پایون قاپاردی.

39 – نشان داغی :

ایندی هانی او رسم لر قایدالار ،

ایندی هانی او چورکلر حالوالار ،

ایندی هانی اؤ اؤغول لار بالا لار ،

آیا اولار بیزده ن ده بیر یاد اؤلا ،  

  او دونیادا روحوموزدا شاد اولا .

40 – نشان داغی :

سنین عمرون بو دنیادا چوخ اؤلار ،

سنون شئنون  شؤوکتنده چوخ اؤلار ،

ودادیام سنه تعظیم ایله دیم ،

اوره ک سوزون بیله تقدیم ایله دیم .